Kuni kutaa Lammafaa garaagarummaa Gmail fi Yahoo mail itti dubbannuudha, kutaa jalqabaa dubbiste yoo tahe itti fufi. Kutaan jalqabaa si dabre yoo tahe maaloo kutaa jalqabaa kinoo HIDHATA KANA cuqaasuun ddubbisi.
Kutaa dabre keessatti waayee hundeeffama Gmail ilaallee jirra, amma ammoo mee hundeeffama Yahoo mail irraa jalqabnee haa ilaalluu:
Yahoo Mail kan hundeeffame kaampaanii Yahoo jedhamuun yoo tahu kaampaanichi ammoo kan hundeeffame March 1 bara 1995 (google dura) USA magaalaa Kaalifoorniyaa keessaati. Namoonni Yahoo hundeessan maqaan isaanii Jerry Yang fi David Filo jedhamu.
Boca ykn Dizaayinii
Gmail bocni isaa kan baa'yee miidhaguu fi kan akkuma feeneetti gogaa ykn Theme isaa kan jijjiirruudha. Akkasumas foolderii heddu qaba. Yahoomail akkuma Gmail kan diizaayiniin isaa salphaa tahee fii theme ykn gogaa isaa akkuma feenetti jijjirrachuu dandeenuudha. Garuu gama foolderiitiin Yahoomail baa'yee filatamaadha, akkasumas baa'yee salphaadha.
Ba'aa (Attachment) Ergaa
Gmail irratti ergaa hanga 20mb (ulfaatinaan) altokkotti erguu dandeenya. Akkasumas yeroo tokkotti ergaa heddu (baayinaan) (more attachment) erguu dandeenya. Yahoo irratti ammoo altokkotti ergaa 10mb (ulfaatina) qofa erguu dandeenya. Yahoo mail irratti ammoo ergaa heddu (more attachments) yeroo tokkotti erguu hindandeenyu, hanga new tab bannutti.
Kuusaa Deetaa (storage)
Gmail dandeettii kuusaa bilisaa 15GB qofa qaba, kana jechuun wanti isin gmail, drive, google+ fi blogger irratti kuuftu 15GB yoo dabre gmail keessan ni cufata jechuudha. Sana booda gara isa kaffaltii (premium plan) jedhamutti isin dabrsa ( 100GB dhaaf 2$ ji'an ni kaffaltu ykn 300TB(300000GB) ji'an $300 kaffaltanii fayyadamuu dandeessu).
Gama Yahootiin ammoo dandeettii kuusaa deetaa bilisaa 1000GB(1TB) qaba, kana jechuun kuusaa 66.6xGmail qaba jechuudha, ykn waan silaa nuti Yahoo irraa bilisaan argannu gmail irraa ji'atti $10 kaffallee arganna jechuudha.
Secruutii ykn Nageenya
Daataa Keenyaa Gmail sirna 'Verification' jedhamu qaba, kana jechuun yeroo nuti sign in goonu ergaan gabaabaan gara bilbila keenyaa nuuf seena. Erga koodii kara bilbila keenyatti seene itti galchinee booda nuuf bana(Hub: kun kan tahu yeroo karaa lakkoofsa bilbilaa keetiin banatteedha). Hattuun(hacker) hatuu hin danda'u jechuudha, koodiin gara bilbila keenyaa qofa waan ergamuuf. Hubadhu: Akkaataa Gmail itti banatuu dandeettuun HIDHATA KANA cuqaasudhaan dubbisi.
Garuu rakkoon gmail as irratti qabu, yeroo osoo fayyadamaa jirtu ifaan si harkaa badee, namni of duraaf bilbila ykn koompitara san fayyadamu Gmail keenya salphumatti arkachuu fi waan barbaade hojjachuu danda'a jechuudha. Rakkoon kun ammoo gama Yahootiin ni furama, kana jechuun yahoon sirna Gmail fayyadamu akkauma fayyadamutti tahee, yeroo ifaan nu harkaa bade email keenya ofumaa isaatii SIGN OUT tahuu danda'a jechuudha(HUB: kun kan tahuu danda'u yoo automatic signout goone qofa). Kun ammoo akka namni biraa koompitara san fayyadamu email keenya hin arganne ykn hin hanne taasisa jechuudha.
Yeroowwan Gmail Qabaachuun Dirqama Nutti tahu
Gmail qbaachuun yeroo dirqama nutti tahutu jira, yeroo oomisha Google (Google Product) fayyadamnuudha. Isaanis:Blogger: Websaayitii uumatuudhaaf.
Adsense: Beeksisa google websaayitii keenyaf argachuudhaaf akkasumas qarshii itti arkachuuf.
Play Store: Applikeeshinoota keenya gara google play upload gochuuf ykn irraa buufachuudhaaf.
Google Plus: Yeroo kanneen Gmail qabaaxhuun dirqama nutti taha. Akkasumas oomishaawwan google kanneen biroo fayyadamuudhaaf dirqama gmail nu barbaachisa.
WALUMAA GALATTI: akka armaan olitti dubbiftanitti kan baa'yee isin hawwatee fi akkasumas kan fedhii keessan waliin deemu filachuu dandeessu. Lamaanuu hanqinaa fi Jabina ni qabu, kun hundi osoo jirru ummanni addunyaa tana miliyoona 72.8 Yahoo akksumas miliyyonni 25.1 ammoo Gmail fayyadamu.
Lammiin Lammiif, Waraana qofaani miti, Beekkumsa irrattis wal yaamuuni malee! Lammii keetiif qooduun dirqama lammummaa keetii bahi.
MORE THEMES
